Kalurahan Giring

Desa Budaya Giring memilki banyak potensi dan aspek budaya yang banyak diketahui oleh banyak orang. Salah satu potensi budaya yang sangat tersohor adalah cerita rakyat di Desa Giring. Siapa yang tidak tahu tentang cerita rakyat turunnya wahyu degan gagak emprit di Desa Giring. Berikut adalah cerita rakyat dalam Bahasa jawa tentang turunnya wahyu degan gagak emprit yang konon certinya merupakan wahyu penurun raja di tanah jawa :

(Sunardi, 2018, Buku Sejarah Desa Giring, Dinas Kebudayaan Gunungkidul) menyampaikan :

 “Sepet aking ingkang dipun tenem ing Jombaran kala semanten, tuwuh ngrembaka ngantos inggil sanget. Ngedalaken woh, anehipun who namung setunggal. Onten satunggale dinten saking degan kambil ingkang namung setunggal kala wau ngedhalaken suwanten mangkene: “Sapa wae sing ngombe degan iki sanalika entek, bakal dadi Raja Tanah Jawa turun tumurun.”

Nggih awit ageng anggenipun prihatos, pramila boten mokal menawi Ki Ageng Giring sedik tengen ing pangrungu, pramila saget midhanget suwanten saking degan wau. Budhi daya kados pundi anggenenipun saget metik degan. Wit kambil punika inggil sangat, pramila woh degan ingkang namung setunggal ketingal alit sanget. Pramila dipun namekaken “Degan Gagak Emprit.” Tegesipun degan ingkang ageng dipun umpamekaken peksi gagak, amargi awit inggilipun wit kambil, ngantos ketingal alit dipun umpamekaken peksi emprit. Anggenipun methik Degan Gagak Emprit namung sarana dipeteti saking griya, kambil ingkang inggil sanget kala wau mentiung manglung dateng dalemipun Ki Ageng Giring. Kanthi ngatos-atos degan lajejng dipun pethik. 

Mangertos bilih degan punika isinipun Wahyu Tatah Jawi, pramila boten lajeng dipun unjuk. Degan lajeng dipun deleh onten paga. Saderenge ngunjuk toya Degan Gagak Emprit, langkung rumiyim ngawontenaken ritual/upacara suci, siram jamas minangka sesuci diri onten ingkali Nyamat.        

Bintulu Aji kuciwa panggalihipun, awit rumaos dipun tilar utawi disepelekne kalian Ki Ageng Giring. Tindak dateng dalemipun Ki Ageng Giring, caos atur: “Ki Ageng Giring kala semanten kula kadawuhan jagi sepet aking ingkang katenem nagtos tuwah ugi ngedalaken woh, nanging kenging punapa anggenipun methik degan kala wau boten paring ngertos dateng kula?” Atur wangsulane: “Bintulu Aji wis kebacut, mula aja dadi atimu, sing gedhe pangapuramu.” Boten trimah, Bintulu Aji nyuwun pamit kundur, lajeng mlajar tumuju Kembang Lampir Pandan Segegek papan tapanipun Ki Ageng Pemanahan. Bintulu Aji nggigah Ki Ageng Pemanahan anggenipun nedeng-nedengipun tapa. Badar saking anggenipun tapa, nyuwun pirsa dateng Bintulu Aji, pangandikane: “Ana wigati apa, kowe kumawani nggugah anggonku tapa?” Atur wangsulane: “Nyuwun pangapunten, kula sampun kladhuk kumawantun nggigah Ki Ageng Pemanahan saking anggenpun tapa, awit onten wigatos ingkang kedah kula aturaken dateng Panjenengan.” Ki Ageng Pemenahan mundhut pirsa, pangandhikane mangkene: “Apa wigathi sing kudu kok aturake.” Bintulu Aji caos wangsulan mengkene: “Nyuwun pangapunten Ki Ageng, Wahyu Tanah Jawi sampun kepanggih wujud Degan Gagak Emprit, sapunika onten Dalemipun Ki Ageng Giring.” Prasasat asu rindik digitik, tanpa kocap Ki Ageng Pemanahan mlajar dateng daleme Ki Ageng Giring. 

Boten kepanggih kalian Ki Ageng Giring, namung kepanggih Nyai Giring, pangandhikane: “Mbak Ayu Nyai Giring Kakang onten pundhi?” Atur wangsulan Nyai Giring, mangkene: “Kakang Mas Ki Ageng Giring nembe siran onten lepen, onten wigatos punapa?” Atur wangsulanipun: “Sampun dangu boten kepanggih, namung bade pinanggih caos sungkem pangabekti.”

Tumuju dateng dapur kaderekaken Nyai Roro Lembayung, pangandikane: “Mbak Ayu kula rumaos ngelak saestu, menawi kepareng nyuwun toyanipun. Kasinggihan punika onten toya degan kula unjukipun.” Atur wangsulane: “Adhi Pemanahan sampun ngantos ngunjuk toya Degan punika, awit gadhanipun Kang mas Ki Ageng Giring, bade dipun unjuk manawi rampung siram, kula caosi toya sanesipun.” Pangandikane Pemanahan, mangkene: “Boten Mbak Ayu kula ngunjuk toya Degan punika mawon.” 

Toya Degan dipun ruda peksa dipun unjuk kalian Pemanahan. Nyai Roro Lembayung muwun, kalian ngandika mangkene: “Adhi Pemanahan sliramu tega, tegel kanthi ngruda peksa ngunjuk degan sing dudu darbekmu, paukuman apa sing bakal ndak tampa?” Atur wangsulane: “Sampun Mbak Ayu kula kepareng nyuwun pamit.” 

Dhasar priyagung ingkang sampun waskitha ing panggrahita, papan ingkang dipun damel siram, nalika toya degan dipun unjuk pemanahan, amblong/gowang sanalika, minangka pratanda gowang panggalihe Ki Ageng Giring. Mlajar kundur dumugi griya nyumurupi, Nyai Lembayung muwun ingkang boten samestinipun, rumaos dosa awit boten saget jagi degan kagungan Garwanipun. 

Kalian muwun matur mangkene: “Ketiwasan kang Mas kepareng nyadong duka, kula trimah nampi paukuman dipun perjaya, kula boten saget jagi degan kagunganipun, degan kelajeng dipun unjuk kalian Ingkang Rayi Pemanahan.” Kaget sanalika, begegek pinda tugu sunukarta, yayah njugrukaken wukir sari.

Duka jaja bang mawinga-winga, mlajar medal saking griya ngoyak Ki Ageng pemanahan. Salebete mlajar ing batos rumaos kuwatir menawi boten saget nyepeng Pemanahan. Papan punika diparingi tenger Alang-Alang kumitir. Saking kedadosan raos kuwatir. Sapunika dados petilasan “Alang-Alang Kumitir“ mapan onten Padukuhan Kendal. 

Nglajengaken ngoyak Pemanahan, onten sawijining papan Ki Ageng Giring bengok, dasar kepara nyata priyagung sekti onten sangejenge anggipun bengok onten wit jati ingkang ageng sanget kobong sanalika. Papan pinika diparingi tenger Jati Bengok. Tegesipun saking kedadosan bengok saking daya kekiyatan Ki Ageng Giring anggenipun bengok ngantsos wit jati sangajengipun kobong. Sapunika dados petilasan Jati Bengok. 

Sangsaya rikat anggenipun mlajar ngoyak Pemanahan, satemah kasembadan saget nyepeng pemanahan. Ing papan ngriku onten selo jejer kalih, lajeng diagem lenggah Ki Ageng Giring kalian Ki Ageng Pemanahan. Kekalih priyagung sekti sami lenggah sabejagong, imbal wacana wawan pangandikan, wosing pirembakan amargi toya Degan Gagak Emprit sejatose Wahyu Tanah Jawa, sampun kalajeng dipun unjuk Ki Ageng Pemanahan pramila sampun boten saget diunjuk Ki Ageng Giring malih sanadyan ta ingkang manggihaken. 

Salebete pirembakan ngawontenaken prajanjen, sami sarujuk bilih ingkang dados Raja Ki Ageng Pemanahan. Anggenipun Pemanahan bade yasa Kraton, Ki Ageng Giring maringi pusaka cacah tiga minangka piandel ugi kawastanan tindih Kraton. Pusaka tiga kala wau, 1) Tombak Udan Arum, 2) Songsong Agung Tunggul Naga, saha 3) Songsong Agung Sangga Buwana. Dene papan selo jejer kalih ingkang kangge pirembagan sapejagong dados petilasan “Watu Jagong” mapan wonten Padukuhan Kendal. “